party hard new year

Party Hard on this New Year Eve with Awesome Looks & Safety!

આ અત્યારનો જમાનો અને અત્યારનાં લોકો! અને એમાં ખાસ વાત તો સુરતીઓની! સુરતનાં લોકોને તો બસ પાર્ટી કરવા એક બહાનું જોઈએ કે ક્યારે એ લોકો ઘરે થી બહાર નીકળે અને કોઈ પાર્ટીની મજા માણે. તેમાં જયારે 31મી ડિસેમ્બરની વાત આવે એટલે તો સુરતીઓનાં મિજાજ જ બદલાઈ જાય છે. સુરતનાં લોકો એટલે ખુશમિજાજનાં અને ખાવા-પીવાનાં શોખીન!
31મી ડિસેમ્બરની રાતે ઠેર-ઠેર પાર્ટીઓનું આયોજન થાય છે. લોકો ક્લબમાં અને મોલમાં મજા માણવા જાય છે. ખાસ કરીને સુરતનાં લોકો કોઈ મહેફિલની મજા માણવાનું કઈ રીતે ચુકી શકે ? તેઓ પોતાના ઘરની અગાસી પર સાઉન્ડ સિસ્ટમ ચાલુ કરીને પણ પાર્ટીની મજા માણે છે. પણ અત્યારનાં યુવાન-યુવતીઓ પોતાના કોલેજનાં ગ્રુપ સાથે બહાર ફરવા જાય છે અને ક્લબમાં ડાન્સ પાર્ટીની મજા માણવા જાય છે. અમુક છોકરીઓ વેસ્ટર્ન કપડાં પહેરીને પાર્ટીમાં જાય તો એવા સંજોગોમાં છોકરીઓની છેડતી ન થાય એ માટે આપણે સાવચેતી રાખવી જોઈએ.
જો છોકરીઓ કોઈ પણ જગ્યાએ પાર્ટી કરવા જાય અને તેમને કોઈ પણ મુશ્કેલી જણાય તો તેઓ તરત જ પોલીસને મદદ માટે બોલાવી શકે છે. 31મી ડિસેમ્બર જેવા ખાસ દિવસે પોલિસ આપણી સુરક્ષા માટે દરેક વિસ્તારમાં કાર્યરત હોય છે અને માતા-પિતા પોતાના બાળકોનું ધ્યાન રાખે કે તેઓ ક્યાં, કોની સાથે અને કેવા કપડાં પહેરીને જાય છે. તેથી છોકરીઓની સુરક્ષા જળવાઈ રહે અને તેઓ સારી રીતે પાર્ટીની મજા પણ માણી શકે.
આ તો થઈ સુરક્ષાની વાત, હવે કરીએ થોડી ફનની વાત!
છોકરાઓ પાસે તો કપડાં માટે કોઈ ખાસ ચોઈસ હોતી નથી, તેઓ ફક્ત જિન્સ સાથે શર્ટ કે ટી -શર્ટ અને કોટ પહેરી શકે પણ છોકરીઓ પાસે ગમે તેટલા કપડાં હોય એમને તો ઓછા જ પડે! તેમની બસ એક જ ફરિયાદ હોય કે મારી પાસે કપડાં જ નથી! દર વખતે તેઓ કંઈક નવું પહેરવાની ઈચ્છા રાખતા હોય છે અને ખાસ કરીને કોઈ પાર્ટીમાં જવાનું હોય તો ભારે કપડાં પહેરવા જોઈએ. તો ચાલો કંઈક વિચારીયે કે 31મી ડિસેમ્બરે આ વર્ષે શું પહેરી શકાય!
આપણે એવા કપડાં પહેરીયે કે જેથી ફેશનની ફેશન રહે અને પાર્ટી પણ સારી રીતે માણી શકાય. જેવાં કે,
જિન્સ અને કોલરવાળું ક્રોપ ટોપ એક આકર્ષક દેખાવ આપી શકે છે.
• વેલ્વેટવાળું ફ્રોક પહેરી શકાય. તેમાં પણ ભૂરા અને કાળા રંગનું વેલ્વેટનું ફ્રોક અને તેની સાથે સિલ્વર રંગનો બેલ્ટ વધારે આકર્ષક લૂક આપી શકે.
• જમ્પસુટ સાથે પાતળો બેલ્ટ પેહરી શકાય.
• શ્રગ સાથે ફ્રોક પહેરી શકાય.
અંતે, કહેવાનો સાર એટલો જ છે કે આપણે કોઈ પણ પ્રકારનાં કપડાં પહેરીયે પણ એક વાતનું ખાસ ધ્યાન રાખીયે કે એ કપડાં વ્યવસ્થિત હોય. આ કપડામાં સલામતી અને સુરક્ષાની સાથે છોકરીઓ પોતાને એક સારો લૂક આપી શકશે.
આપણી સુરક્ષા એ આપણી ફરજ છે, તો આપણે જ એના પ્રત્યે સાવચેતી રાખવી જોઈએ. તો ચાલો, સાથે મળીને આ 31મી ડિસેમ્બર પૂરી સલામતીથી ઉજવીએ અને નવા વર્ષનું આનંદ અને ઉલ્લાસથી સ્વાગત કરીએ.

LEAVE YOUR COMMENT

Your email address will not be published.

You Might Also Like

Here you can find the related articles with the post you have recently read.